Rais Samia Suluhu Hassan amemteua Profesa Said Shehe Aboud kuwa Mkurugenzi Mkuu wa Taasisi ya Utafiti wa Magonjwa ya Binadamu (NIMR).
Profesa Aboud ni Profesa Mshiriki na Kaimu ¹Mkurugenzi wa Mipango, Fedha na Utawala wa chuo Kikuu cha Afya na Sayansi Shirikishi Muhimbili (MUHAS), Dar es Salaam.
Profesa Aboud anachukua nafasi ya Profesa Yunus Mgaya ambaye amemaliza muda wake mwezi Septemba mwaka huu.
Uteuzi wa Profesa Aboud umeanza tarehe 19 mwezi huu.