Waziri wa Elimu, Sayansi na Teknolojia, Profesa Joyce Ndalichako amewataka wadau wa elimu nchini kutoa maoni ya dhati ambayo yatawezesha kufanya maboresho ya sita ya mitalaa ya elimu kuanzia ngazi ya awali, msingi na sekondari.
Profesa Ndalichoka ametoa wito huo wakati akifungua mkutano wa wadau wa elimu nchini ambao wamekutana mkoani Dar es Salaam, na amewasisitiza kuelekeza maoni yao katika mfumo utakaowezesha kutoa wahitimu watakaowezesha kufikiwa kwa uchumi wa viwanda.
Aidha, ametahadharisha kuwa, kasi ya kuongezeka kwa wahitimu haiendani na kasi ya nafasi za ajira, hivyo maoni yao yajikite pia katika kutafuta suluhisho la ajira kwa wahitimu nchini, ili waweze kujiajiri na kujitegemea mara wanapotoka vyuoni.
“Taifa lisilo na wahitimu mahiri, kamwe haliwezi kusonga mbele,” ameeleza Profesa Ndalichako.
Amesisitiza maoni hayo ambayo pia yanawezwa kuwasilishwa kwa njia ya mtandao kuzingatia mabadiliko ya teknolokjia duniani.
Mabadiliko ya mitaala ambayo yatafanyika sasa yatakuwa ni ya sita tangu uhuru, ambapo mabadiliko ya awali yalifanyika mwaka 1967, 1979, 1997, 2005 na 2014.
Mabadiliko hayo yote yalilenga kuboresha elimu nchini kuendana na mahitaji ya jamii kwa wakati huo.