Rais Dkt. John Magufuli ameongoza mamia ya waombolezaji kuuaga mwili wa Kamishna wa Sekretarieti ya Maadili ya Viongozi wa Umma, Jaji Mstaafu Harold Nsekela aliyefariki dunia Disemba 6 mwaka huu jijini Dodoma.
Shughuli ya kuaga mwili wa Jaji Mstaafu Nsekela imefanyika katika viwanja vya Chinangali jijini Dodoma.
Viongozi mbalimbali wameshiriki katika shughuli hiyo akiwemo Makamu wa Rais Samia Suluhu Hassan, Waziri Mkuu Kassim Majaliwa na Jaji Mkuu wa Tanzania Profesa Ibrahim Juma.
Mara baada ya kukamilika kwa shughuli hiyo ya kuaga mwili wa Jaji Mstaafu Nsekela mwili huo umesafirishwa kwa ndege kwenda mkoani Mbeya kwa mazishi, yatakayofanyika Alhamisi Disemba Kumi.
Makamu wa Kwanza wa Rais wa Zanzibar Maalim Seif Sharif Hamad ameahidi kuwatumikia Wananchi wa Zanzibar akiwa katika wadhifa huo.
Akizungumza mara baada ya kuapishwa kushika rasmi wadhifa huo Ikulu jijini Zanzibar, Maalim Seif amewashukuru Wananchi wa Zanzibar kwa imani kubwa walioionesha kwake.
Maalim Seif ambaye pia ni Mwenyekiti wa Chama Cha ACT Wazalendo, amekishukuru chama chake kwa kumpendekeza kuwa Makamu wa Rais wa Zanzibar.
Amesema uamuzi wa Chama Cha ACT Wazalendo kuingia katika serikali ya Umoja wa Kitaifa haukuwa rahisi, lakini waliamua kuuridhia kutokana na dhamira ya dhati ya Rais wa Zanzibar Dkt Hussein Mwinyi ya kushirikian na chama hicho.
Amewataka Wananchi wote wa Zanzibar wa ndani na nje, kushirikiana ili kuijenga Zanzibar na ameahidi kushirikiana na Rais Mwinyi.
Disemba 6 mwaka huu Rais Mwinyi alimteua Maalim Seif Sharif Hamad kuwa Makamu wa Kwanza wa Rais wa Zanzibar.
Uteuzi huo umezingatia matakwa ya kifungu cha 9(3) cha katiba ya Zanzibar ya mwaka 1984.
Rais Dkt. John Magufuli ameongoza mamia ya waombolezaji kuuaga mwili wa Kamishna wa Sekretarieti ya Maadili ya Viongozi wa Umma, Jaji Mstaafu Harold Nsekela aliyefariki dunia Disemba 6 mwaka huu jijini Dodoma.
Shughuli ya kuaga mwili wa Jaji Mstaafu Nsekela imefanyika katika viwanja vya Chinangali jijini Dodoma.
Viongozi mbalimbali wameshiriki katika shughuli hiyo akiwemo Makamu wa Rais Samia Suluhu Hassan, Waziri Mkuu Kassim Majaliwa na Jaji Mkuu wa Tanzania Profesa Ibrahim Juma.
Mara baada ya kukamilika kwa shughuli hiyo ya kuaga mwili wa Jaji Mstaafu Nsekela mwili huo umesafirishwa kwa ndege kwenda mkoani Mbeya kwa mazishi, yatakayofanyika Alhamisi Disemba Kumi.