Wagombea wa upinzani nchini Jamhuri ya Kidemokrasi ya Congo- DRC wameilalamikia Tume ya uchaguzi nchini humo Ceni kwa kuahirisha uchaguzi uliopangwa kufanyika Jumapili ya tarehe 23 mwezi huu.
Wagombea hao wamesema hawataki uchaguzi uahirishwe kwa kuwa wako tayari kwa uchaguzi huo huku wakitishia kuandamana na wafuasi wao dhidi ya maamuzi hayo ya Tume ya uchaguzi nchini humo.
Uamuzi wa kuahirisha uchaguzi huo ulitangazwa jana Desemba 20 mjini Kinshasa, na Mkuu wa Tume hiyo Norneille Nangaa ambaye ametaja tarehe 30 Desemba ndio itakuwa siku ya uchaguzi .
Miongoni mwa sababau zilizosababisha kuahirishwa uchaguzi huo ni pamoja na kuungua kwa ghala lenye vifaa vya uchaguzi huo mjini Kinshasa, ghasia zilizofanyika wakati wa kampeni na hofu ya kuenea kwa maradhi hatari ya Ebola Mashariki mwa nchi hiyo.