Watu wapatao 168 wamekufa na wengine zaidi ya mia saba kujeruhiwa nchini Indonesia, baada ya tetemeko la ardhi chini ya bahari tsunami kuitikisa nchi hiyo na kusababisha uharibifu mkubwa wa mali na miundombinu.
Zoezi la uokoaji linaendelea katika eneo hilo na wanasayansi wanasema Tsumani iliyotikisa eneo hilo imesababisha na mlipuko wa volkano chini ya bahari, ambao pia umeendelea kurusha matope ya moto katika eneo la Anak Krakatoa.
Maji hayo yalikuwa yakirushwa umbali wa mita ishirini kwenda juu. Maeneo yaliyoathiriwa zaidi na tetemeko hilo ni yale yaliyoko katika jimbo Sunda.
Watazamaji, wanamuziki na watu wote waliokuwa wakishuhudia tamasha la Muziki magharibi mwa kisiwa cha Java walijikuta wamesombwa na maji wakiwa ukumbini na kupoteza maisha baada ya mafuriko ya tetemeko hilo kuingia katika ukumbi wa tamashaa hilo la muziki.
Tetemeko hilo lilikuja kwa ghafla sana kiasi kwamba kulikuwa hakuna tahadhari wala onyo lolote lililokuwa limetolewa kabla ya tukio.