Waandishi wa habari nchini wameaswa kutumia vyema uhuru wa habari na kuepuka kueneza habari za kupotosha ama za uongo.
Katika mada tofauti zilizojadiliwa katika Kongamano la Maendeleo ya Sekta ya Habari, waandishi wa habari wametajwa kuwa miongoni mwa wasambazaji wa habari zinazoweza kupotosha ama za uongo kwa kujua ama kutokujua.
Aidha, wanahabari pia wametakiwa kufanya utafiti katika kazi zao ili kutoa taarifa sahihi.
Akizungumza wakati wa kongamano hilo, Mkurugenzi Mkuu wa Shirika la Utangazaji Tanzania (TBC) Dkt. Ayub Rioba Chacha amesema, matumizi sahihi ya mitandao ya kijamii yatasaidia kuepukana na changamoto za habari potofu.
Dkt. Rioba amewataka wanahabari kuutumia vyema uhuru wa habari unaopiganiwa kwani hadi sasa uhuru huo hautumiki kwenye kazi za kichunguzi ‘investigative journalism’.