Waumini wa dini ya Kikristo nchini wametakiwa kutenda mema pamoja na kuwa wajasiri, waadilifu na wenye uthubutu kutenda mambo mema ili kudumisha amani na umoja ambavyo ni tunu ya taifa.
Hayo yamesemwa na Askofu Mkuu wa Kanisa la Africa Inland – AICT nchini Mussa Magwesela katika ibada maalum ya kumuweka wakfu na kusimikwa kazini Askofu Philip Mafuja kuwa Askofu wa AICT Dayosisi ya Mwanza.
Amesema waumini na wananchi wote kwa ujumla wanawajibika katika nafasi zao ili kulinda amani, umoja na mshikamano nchini.
Kwa upande wake Mkuu wa mkoa wa Mwanza John Mongela amesema Kanisa lina mchango mkubwa kulinda amani na kutoa rai kwa waumini kuliombea taifa na Rais Magufuli.
Uchaguzi wa kumchagua Askofu wa Dayosisi ya AICT hufanywa na sinodi kuu ambayo huundwa na wachungaji wa Kanisa hilo ambapo mshindi anayeteuliwa kuwa Askofu baada ya kupata theluthi mbili ya kura zote.