Viongozi wa upinzani nchini Sudan wameendelea kuwahamasisha wananchi kushiriki katika maandamano ya kupinga serikali leo jumapili, baada ya maandamano hayo kuanza kusambaa nchi nzima na kusababisha serikali kutangaza hali ya tahadhari.
Waandamanaji wamekuwa wakishiriki katika maandamano ya kupinga ongezeko la bei za bidhaa za vyakula hasa mikate ambayo ndio chakula chao kikuu, pamoja na ongezeko la bei za mafuta.
Serikali ya Sudan imekuwa ikitumia nguvu kutawanya maandamano ya watu hao.
Serikali ya nchi hiyo wiki iliyopita ilitangaza hali ya tahadhari katika baadhi ya maeneo, ambako maandamano yalionekana kupambana moto na baadaye kuondoa amri hiyo katika baadhi ya maeneo, huku katika maeneo mengine ikiendelea kutekelezwa.
Hali ya tahadhari bado inaendelea kutekelezwa katika miji ya Atbara Geddaf, hadi sasa watu kumi wamekufa kutokana na maandamano ya kupinga serikali yanayoendelea nchini Sudan, yaliyoanza jumatano iliyopita.