Waziri Mkuu wa Uingereza Thereza May amesema kuwa yuko tayari kupambana na changamoto zozote zitakazojitokeza wakati wa utawala wake.
Akihutubia Taifa kupitia vyombo vya habari nchini Uingereza, May amesema kuwa hakutakuwa na mpango wa kumpigia kura ya kutokuwa na imani naye wakati wa uongozi wake.
Kiongozi huyo wa Uingereza ametoa kauli hiyo baada ya kuwepo kwa tetesi kuwa huenda Wabunge wa Bunge la nchi hiyo wakapiga kura ya kutokuwa na imani naye.
May ameapa kufanya kila linalowezekana kupigania kura hiyo isipigwe na kwamba atabaki mjini London kupigania wadhifa wake na kufanya kazi ya kuwatumikia wananchi ambayo amejitolea kuifanya.
Baadhi ya Wabunge wa Bunge la Uingereza wamekasirishwa na rasimu iliyotolewa na kiongozi huyo ya nchi yao ya kujitoa rasmi katika Umoja wa nchi za Ulaya.
Zaidi ya wabunge 48 wa chama chake Coservative wamewasilisha barua za kutokuwa na imani naye.