Jaji wa Mahakama ya Afrika ya Haki za Binadamu na Watu kutoka Tanzania, Imani Aboud amependekezwa kugombea Urais wa Mahakama hiyo.
Jaji Aboud amesema endapo atashinda katika nafasi hiyo na kuibuka mshindi itakuwa ni heshma kubwa kwa nchi na kwake mwenyewe kushika wadhifa mkubwa katika mahakama ya Afrika kuhusu masula ya haki za binadamu.
Jaji wa Mahakama ya Afrika ya Haki za Binadamu na Watu kutoka Tanzania, Jaji Imani Aboud amependekezwa kugombea Urais wa Mahakama hiyo. pic.twitter.com/NvzSyCI1QX
— TBCOnline (@TBConlineTZ) May 12, 2021
Kwa upande wake Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb) amesema Tanzania inayo imani na Jaji Imani Aboud kwa kuwa ana uzoefu mkubwa katika masula ya kimahakama hivyo ushindi wake utakuwa ni sifa kwa Taifa na kwa wanawake kuendelea kushika nyadhifa kubwa sio Serikalini tu, bali kwenye taasisi na mashirika ya kimataifa.
Majaji wengine wanaogombea nafasi hiyo ni kutoka katika nchi za Jamhuri ya Kidemokrasia ya Kongo, Jamhuri ya Malawi na Cameroon.
Hayati Jaji Augustino Ramadhani ndiye alikuwa Mtanzania wa mwisho kushika nafasi hiyo ya Urais wa Mahakama ya Afrika ya Haki za Binadamu na Watu.