Charlotte Hornets wamewanyuka Atlanta Hawks alama 113 kwa 102 kwenye ligi ya kulipwa ya mpira wa kikapu ya nchini Marekani maarufu kama NBA.
Nyota wa Hornets, mlinzi Kemba Walker amefunga alama 29 huku Marvin Williams akifunga alama 20 na kuchagiza ushindi huo muhimu kwa timu yao ambayo imekuwa na matokeo ya mchangayiko msimu huu.
Katika matokeo mengine, Dallas Mavericks wamewatungua Washington Wizards alama 119 kwa 100 huku Phoenix Suns wakiangukia pua kwa kufungwa na Brooklyn Nets alama 104 kwa 82.
Nao Portland Trail Blazers wameendeleza wimbi la matokeo mazuri kwenye ligi hiyo baada ya kuwanyuka Milwauckee Bucks alama 118 kwa 103 katika mchezo uliopigwa kwenye dimba la Moda Center mjini Portland, -Oregon.