Wapigambizi nchini Indonesia wamekipata kisanduku cheusi kinachorekodi mwenendo wa ndege cha ndege ya nchi hiyo iliyoanguka baharini Jumatatu wiki hii na kusababisha vifo vya abiria wote 189 waliokuwa ndani ya ndege hiyo.
Ndege hiyo ilianguka dakika kumi mara baada ya kuruka kutoka katika uwanja wa ndege wa Jarkata, ikiwa imepoteza mawasiliano na mnara wa kuongoza ndege kwenye uwanja huo.
Hata hivyo, mapema rubani wa ndege hiyo alisikika akiomba ridhaa ya kurejea tena katika uwanja huo wa ndege wa Jarkata.