Waziri Mkuu akutana na wakuu wa mikoa iliyoanza kuuza korosho

Waziri Mkuu Kassim Majaliwa amekutana  na kufanya mazungumzo na wakuu wa mikoa ya Lindi, Mtwara, Pwani  na  Ruvuma, pamoja na watendaji wa Bodi ya Korosho Nchini  kwa lengo la kujadili bei ya korosho.

Mkutano huo ulioshirikisha wakuu hao wa mikoa ambao mikoa yao imeanza kuuza korosho, pia umehudhuriwa na Wenyeviti wa vyama vikuu vya Ushirika katika mikoa hiyo na Naibu Waziri wa Kilimo Omari Mgumba.